नेकपाका बहालवाला नेताहरुले संस्थापक नेताहरुको स्वार्थ बिहिन जिन्दगीको अनुकरण गर्न आग्रह

रायुजा डेक्स समाचार
काठमाडौं, १० वैशाख २०७७ । १ नम्बर प्रदेशका सांसद राजन राईले बहालवाला नेताहरुले संस्थापक नेताहरुको स्वार्थ बिहिन जिन्दगीको अनुकरण गर्न आग्रह गरेका छन् ।
सांसद राईले नेपाल कम्युनिष्ट पार्टीको ७१ औं स्थापना दिवसको अवसरमा बुधबार सामाजिक सञ्जाल फेसबुकमा स्टाटस लेख्दै सो कुरा बताएका हुन् । सांसद राईले भनेका छन्– ईतिहाँसले बकपत्र गर्छ, कमरेड पुष्पलाल श्रेष्ठ लगायत उहाँका सहयोध्दाहरु क. नारायण बिलास जोशी, क. निरन्जन गोबिन्द बैध, नरबहादुर कर्माचार्य र क.मोतिदेबीले आजको दिन आर्थात २२ अप्रिल १९४९ (२००६ साल बैशाख ६ गते) कम्युनिस्ट पार्टी स्थापना गर्दा नेपाली किसान र मजदुरका जिवनको उन्नयनका सपनाहरु सहित गरेको उल्लेख गरेका छन् । राईले भनेका छन– पद, पैसा, प्रतिष्ठा त्यस्तै शक्ति र निजी सामथ्र्य प्राप्ति उहाँहरुका अभिष्ठ थिएन। आजका दिन म सम्पुर्ण नेकपाका संस्थापक नेताहरुलाई आदर सहित सम्झन चाहन्छु। तथा हाम्रो बहालवाला नेताहरुलाई उहाँहरुको स्वार्थ बिहिन जिन्दगीको अनुकरण गर्न अनुरोध गर्दछु– सांसद राईले भनेका छन् ।
यसैगरी सांसद राईले विश्वभरि फैलिरहेको कोरोना भाइरस संक्रमणबाट जोगिन र सजग रहन उल्लेख गर्दै भनेका छन– यो समय कोरोना भाईरस (कोभिड १९) महामारीले विश्व आतकिंत बनेको छ। दर्जनौ चुनौतीहरु छ्न, तर उच्च मनोबल सहित सामाजिक दुरि कायम गर्दै यस्को सामना गर्नुको बिकल्प हामीसङ छैन। हामी जनप्रतिनिधिहरु सङ ‘जनताले आफ्नै गाँउघर जान बाटो माग्ने मात्र होईन, यो माहामारीबाट गाउँ जोगाउनका निम्ति बाटो रोकिदेउ’ भन्ने आग्रहहरु पनि आउने गर्दछ्न।हामी अत्यन्तै गम्भीरता पुर्बक समस्याका समाधानहरु खोजी रहेका छौं । सांसद राईले कोभिड–१९ कारण देशमा लगाईको लकडाउन (बन्दाबन्दी)बाट शहरहरुमा कोहि असाध्यै जटिल परिस्थितिमा हुनुहुन्छ भने, आबस्यक समन्वयका निम्ति सम्पर्क गर्न आग्रह समेत गरेका छन् ।