Rashtriya Yuva Jagaran
Online Digital News

यस बर्षको दशैको साईत

  •  
  • 249
  •  
  •  
  •  
  •  
  •  
    249
    Shares

विराटनगर । नेपाल पञ्चाङ्ग निर्णायक समितिले २०७५ सालको बडा दशैंको साइत बिहान ९ बजेर ३९ मिनेटमा रहेको जनाएको छ ।

यसवर्ष असोज २४ गते नवरात्र आरम्भ हुने र त्यस दिन बिहान ७ बजेर १५ मिनेटमा घटस्थापनासहित जमरा राख्ने साइत छ । असोज २५ गते बिहीबार बिहान १० बजेर २४ मिनेटमा झण्डा फेर्न शुभ हुने समितिका अध्यक्ष प्रा. डा. रामचन्द्र गौतमले जानकारी दिए । यसैगरी असोज ३० गते मङ्गलबार फूलपाती भित्राइने छ ।

त्यसैदिन बिहान ९ बजेर २१ मिनेटमा तुलजा भवानीको यात्रा गराइन्छ । असोज ३१ गते बुधबार महाअष्टमी, कात्तिक १ गते बिहीबार महानवमी, कात्तिक २ गते शुक्रबार विजयादशमी अर्थात दशैँको टीका परेको छ । विजयादशमीका दिन बिहान ९ बजेर ३९ मिनेटमा देवी विसर्जनको साइत निस्किएको छ । देवीको प्रसाद लगाउन साइत खोज्नेका लागि बिहान ९ बजेर ५१ मिनेटको साइत दिइएको अध्यक्ष प्रा डा गौतमले बताए । कात्तिक ७ गते बुधबार कोजाग्रत पूर्णिमा व्रत मनाएपछि नेपालीको महान् चाड बडादशैँ समापन हुनेछ ।

Leave A Reply

Your email address will not be published.