Rashtriya Yuva Jagaran
Online Digital News

पितृका निम्ति समर्पित रहने पर्व सोह्रश्राद्ध आजदेखि सुरु

  •  
  • 93
  •  
  •  
  •  
  •  
  •  
    93
    Shares

पितृप्रतिको भक्तिभावले तपाई हाम्रा हरेक कर्मलाई राम्रोतर्फ लैजान मद्दत पुग्ने छ । पितृ खुशी राख्न सकिएन भने परिवारमा अकल्पनिय कुराको आगमन हुने, दुःख पीडा बढी हुने हुनाले हामीले पितृप्रति खेलाँची गर्न हुँदैन । उनीहरुको खुशीको लागि हामीले यो १६ दिन अत्यन्तै श्रद्धाका साथ कर्म गर्नुपर्दछ ।

 

विराटनगर, ९ असोज २०७५ । सोह्र श्राद्ध अर्थात पितृप्रति समर्पित रहने पर्व । यस पर्वमा १६ दिनसम्म हाम्रा दिवंगत समस्त पितृहरुको उद्दारका निम्ति भगवानसँग प्रार्थना गर्दै श्राद्ध गर्ने गर्दछौं ।
प्रत्येक वर्ष आश्विन कृष्ण प्रतिपदादेखि शुरु हुने सोह्रश्राद्ध अर्थात् पितृ पक्ष सुरु हुने गर्दछ ।
आश्विन कृष्ण प्रतिपदादेखि आश्विन शुक्ल प्रतिपदासम्मका १६ वटा तिथिमा दिवङ्गत पितृलाई सम्मानका साथ तर्पण, सिदादान र पिण्डदान गरिने भएकाले सोह्र श्राद्ध भनिएको हो।
चाडपर्व यज्ञयज्ञादि तथा ठूला कार्य गर्नुअघि पितृलाई श्रद्धा भक्तिका साथ सम्झिने वैदिक सनातन हिन्दू शास्त्रीय परम्पराअनुसार सोह्रश्राद्ध गर्ने गरिएको हो। यस समयमा पितृले आश गरी बसेका हुन्छन् भन्ने शास्त्रीय मान्यतासमेत छ।
यसरी सोह्रश्राद्ध गर्नाले पितृप्रतिको आफ्नो दायित्व बोध पूरा हुनाका साथै पितृऋणबाट पनि मुक्त भइन्छ भन्ने धार्मिक विश्वास रहिआएको छ। वैदिक सनातन हिन्दू धर्मावलम्बीले ठूला माङ्गलिक कार्य गर्नु अगाडि नान्दीमुखी श्राद्ध, पितृको मृत तिथिमा गर्ने एकोद्दिष्ट श्राद्ध, सोह्रश्राद्धमा गर्ने पार्वण श्राद्ध, सोह्रश्राद्धमा मृत्यु भएकाको सम्झनामा गरिने एक पार्वण श्राद्ध, तीर्थमा गरिने तीर्थ श्राद्ध र बद्रीको ब्रह्मकपाल तीर्थमा गरिने ब्रह्मकपाली श्राद्धजस्ता श्राद्धहरु प्रचलित रहेका छन्।
यो पक्षमा श्राद्ध नगर्दा अक्षम्य दोष लाग्छ भन्ने शास्त्रीय वचनका आधारमा श्राद्ध गर्ने गरिएको धर्मशास्त्रविद् एवं नेपाल पञ्चाङ्ग निर्णायक समितिका अध्यक्ष प्रा। डा। रामचन्द्र गौतम बताउछन्। सोह्रश्राद्ध अपराह्नमा गर्नुपर्छ भन्ने शास्त्रीय वचन रहेको पनि उनले बताए।
सोह्रश्राद्धलाई पितृ तृप्तिका निमित्त उत्तम समय मानिएकाले श्राद्ध गर्ने गरिएको हो। बाबुको तिथिमा सोह्रश्राद्ध गर्नु उत्तम मानिएको पनि प्रा। डा। गौतमले बताए। मङ्गलबार अपराह्न प्रतिपदा तिथिमा श्राद्ध गरिन्छ।

Leave A Reply

Your email address will not be published.