Rashtriya Yuva Jagaran
Online Digital News

स्थायी राजधानी र नामाकरण छोडेर दोस्रो अधिवेशन अन्त्य

  •  
  • 4
  •  
  •  
  •  
  •  
  •  
    4
    Shares

विराटनगर । प्रदेश नम्बर एकको स्थायी राजधानी र नामाकरणको विषय दशैं अगावै टुंग्याउने रणनीतिमा पुगेको प्रदेश सरकारले उक्त विषयलाई टुंगो नपु¥याई प्रदेशसभाको दोस्रो अधिवेशन मंगलबारदेखि अन्त्य गरेको छ ।

बैठकमा सभामुख प्रदीपकुमार भण्डारीले गत जेष्ठ १७ गतेदेखि चालु भएको अधिवेशनमा १२ विधेयक पारित भएको र ५२ बैठक ५८ पटक बसी ६० घण्टा समय खर्च भएको जानकारी दिए।
समापन बैठकलाई सम्बोधन गर्दै प्रदेश नं १ का मुख्यमन्त्री शेरधर राईले प्रदेश नं १ मा उन्नत राजनीतिक समझदारी र सुझबुझ रहेको तथा प्रदेशसभा सदस्यमा उत्तरदायी र दायित्व बढेको स्पष्ट पारे। उनले प्रदेश संरचनामा अनुभव र अभ्यास पहिलो भएपनि प्रदेशसभाले उल्लेखनीय काम गरेको जिकिर गर्दै सङ्घीय सरकारले आवश्यक कानून निर्माण नगर्दा प्रदेश सरकारलाई हस्तान्तरण हुने संरचना र कर्मचारीको अभावमा प्रदेश सरकारले सार्वजनिक गरेको बजेट प्रभावित भइरहेको गुनासो गरे।
उनले प्रदेशको राजधानी र नामकरणका विषयमा विभिन्न सञ्चारमाध्यममा सत्यतथ्यको आधारमा समाचार नआएको टिप्पणी गरे। उनले प्रदेशसभाको तेस्रो अधिवेशनको शुरुमै राजधानी र नामकरण टुङ्गो लगाइने बताए। प्रदेशसभामा नेपाली कांग्रेस संसदीय दलका नेता राजीव कोइरालाले मुलुकको अन्य प्रदेशभन्दा सो प्रदेशमा निकै काम भएको र राजनीतिक समझदारी पनि रहेको विचार राखे।
सङ्घीय समाजवादी फोरम नेपालका प्रदेशसभा सदस्य जयराज यादवले राजधानी र नामकरणको विषय सबैको सहमति र समझदारीमा घोषणा गर्न सुझाव दिए। प्रदेशसभा सदस्य इन्दिरा राईले प्रदेशलाई अब्बल बनाउन सबैको साथ सहयोगको आवश्यकता औंल्याइन। नागरिक न्युजबाट

Leave A Reply

Your email address will not be published.