Rashtriya Yuva Jagaran
Online Digital News

मुसहर बस्ति निर्माणमा इटहरी उपमहानगर जुट्दै, बस्ति निर्माणका लागि जग्गा निरीक्षण जारी

रायुजा संवाददाता
इटहरी, १७ कात्तिक २०७६। इटहरी उपमहानगरपालिका नगरक्षेत्रमा भएका मुसहरहरुको समृद्धिका निम्ति बस्ति निर्माणमा जुट्ने भएको छ । इटहरी उपमहानगरपालिकाका मुसहर लक्षित कार्यक्रम मुसहर बस्ति विकास कार्यक्रममार्फत उक्त बस्ति निर्माण गर्नेभएको नगरप्रमुख द्धारिकलाल चौधरी बताउँछन् ।
तराईमधेश सम्वृद्धि कार्यक्रमको सहयोगमा इटहरी उपमहानगर अगुवाईमा यस बर्ष १५ बढी घर निर्माणका लागि ७७ लाख बजेट छुट्टिएको नगरप्रमुख चौधरीले बताए । नगरप्रमुख चौधरीका अनुसार उक्त घर निर्माण गरेर अतिविपन्न मुसहर समूदायलाई हस्तान्तरण गरिने छ । बर्षौ देखि बाटो छेउछाउ बसेका सुकुम्वासी मुसहर समूदायका ब्यक्तिहरुलाई घर निर्माण गर्नका लागि सार्वजनिक जग्गाको नीरिक्षण शनिबार गरिसकिएको छ । नगरप्रमुख चौधरीसहित उपप्रमुख लक्ष्मी गौतम, वडाध्यक्षहरु भगवानलाल साहु, दिपनारायण चौधरी, वडासदस्य तेजनारायण चौधरीले प्राविधिक टोली सहित वडा नम्वर १६ को घोइङदा खोला छेउ र पोखरियामा रहेको सार्वजनिक जग्गा नीरिक्षण गरिएको छ । चालु आर्थिक बर्षमा नै मुसहर वस्ति विकास कार्यक्रम अन्तर्गत घर निर्माण हुनेछ ।

Leave A Reply

Your email address will not be published.