विडम्बना : नोबेलका नर्सहरुलाई न्युनतम् सेवा सुविधा नै दिन नसक्नेले लाखौं रुपैया सामाजिक अभियानमा लगानी गर्नुको औचित्य के ?

56

⊗ बाबुराम क्षेत्री सुतार

१ नम्बर प्रदेश, विराटनगर–१० भदौ २०७७ । कुनै पनि स्वार्थबाट समाजसेवा चल्नु हुँदैन । समाज सेवा निस्वार्थ मानविय धर्म हो । त्यो धर्मका आडमा त्यसमा लाग्ने व्यक्तिहरुको कर्म लेखिने, जोखिने गर्दछ । जसको मापनमा उसका गतिविधिले ठूलो असर पु¥याउने गर्दछ ।
लोकप्रियता र प्रतिष्ठा आर्जनको माध्यम बनेको समाजसेवा पछिल्लो समयमा विभिन्न विकृत मनस्थितिका मानिसहरुले डेरा जमाएको देखिन्छ । जसको चपेटामा यतिखेर विराटनगरको नोबेल मेडिकल कलेज पनि परेको प्रतित आम पूर्वेलीलाई भईरहेको छ । सामाजिक अभियानमा लामो समयसम्म संघर्ष गरेका, महत्वपूर्ण योगदानबाट प्रतिष्ठा आर्जन गरेका व्यक्तिहरु एउटा सामान्य लोभमा फस्दामा उसको त्यो समाजसेवाप्रतिको लगानी र आर्जित प्रतिष्ठा छिनभरमै खराबी भएका उदाहरण प्रशस्त रहेका छन् ।
नोबेल मेडिकल कलेजका डा. सुनिल शर्मा राजनीतिमा लागेर जनमतमा पछाडि परेपछि उनले सामाजसेवालाई आधार बनाए । उनको समाजसेवाको आधारमा हेर्ने हो भने अबको निर्वाचनमा सुनिल शर्मालाई हराउन कसैले सक्दैन तर त्यो छवि, त्यो उचाईलाई जोगाइ राख्न अनेकन क्षेत्र, तह र तप्काबाट ध्यान पु¥याउनु जरुरी छ । एउटा सुनिल शर्माले राज्यले गर्न नसक्ने कामहरु आफ्नो निर्वाचन क्षेत्रभित्र गरेका छन् तर त्यो उनको समाजसेवा स्वार्थमा परिणत यस कारण देखियो कि समाजसेवाका निम्ति अर्थोपार्जनको आधार बनेको नोबल मेडिकल कलेजका झण्डै ५ दर्जन नर्सहरु नै न्युनतम् सेवा र सुविधा नपाएर सामूहिक राजीनामा दिएको खबरले उनको त्यो समाजसेवा कुन प्रकृतको, केमा लक्षित र स्वार्थमा गरिएको रहेछ भन्ने छर्लङ्ग बनाएको छ । जुन शर्माका लागि हानिकार मात्र छैन उनको व्यक्तिगत उचाईमा दाग लगाएको छ ।
समाजसेवाका निम्ति अर्थोपार्जनमा घनिभुत रुपमा साथ र सहयोग गरिरहेका आफ्नो अस्पतालका कार्यरत मजदुर, कर्मचारी, डाक्टर, नर्सहरुहरुले पाउने सेवा सुविधाबाट बञ्चित गराएर आर्थिक लाभ लिँदै बाँड्न अग्रसरता देखाउनु भनेको दीर्घाकालिन लक्ष्य होइन । जबसम्म ति तमाम डक्टर, नर्स, कर्मचारीहरु सेवा सुविधाबाट खुशी हुँदैनन तबसम्म अस्पतालको बाहिरी आडम्बर देखिए पनि भित्री खोक्रो भएको अनुभूति जोकोहीलाई हुने गर्दछ ।
कोरोना महामारीको बेला सुरक्षा र सुबिधामा ध्यान नदिएको भन्दै विराटनगरस्थित नोबेल मेडिकल कलेजमा कार्यरत ५५ जना नर्सले सामुहिक राजिनामा दिएका हुन् ।
आफुहरुले राखेको ७ बुदे माग सुनवाइ नभएपछि सामूहिक राजिनामा दिएको नर्सहरुको भनाइ छ ।
कोरोना महामारीको बेला जोखिम मोलेर काममा खटिएपनि न्युनतम सेवा सुबिधा पनि नदिएपछि स्टाफ नर्सहरूले मागपत्र बुझाएका थिए । नोबेल मेडिकल कलेज प्रशासनले मागहरु सुनवाइ नगरेपछि बाध्य भएर नर्सहरूले मंगलबार सामूहिक राजिनामा दिएका हुन् ।
उनीहरूले सम्पूर्ण स्वास्थ्यकर्मीहरूको जीवन विमा गरिदिनुपर्ने, अस्पतालको एमेरजेन्सी बाहिर २४ घण्टा स्क्रिनिङ्ग क्लिनिक राख्नुपर्ने, अस्पतालका कार्यरत कोही स्वास्थ्यकर्मीमा कोरोना संक्रमण देखिए सम्पूर्ण खर्च अस्पतालले व्यवहोर्नुपर्ने माग राखेका थिए । यस्तै एमेरजेन्सिको रेडजोनलाई कोभिडि आइसोलेशन समान नर्सिङ्ग स्टापहरुले व्यवस्थापन साथै तलब, सुरक्षा र ७ दिन अस्पताल क्वारिन्टन त्यसपछि ७ दिन होम आइसुलेशनको व्यवस्थापन हुनुपर्ने माग राखेका छन् ।
नर्सहरुले अस्पतालमा कार्यरत कोही पनि संक्रमित भएमा सम्पूर्ण खर्च, प्लज्मा थेरापी, आइसीयू र भेन्टिलेटरको खर्च अस्पतालले व्यहोर्नुपर्ने र संक्रमितसँगको सम्पर्कमा पुगेका स्वाथ्यकर्मी ५ दिन क्वारेन्टिनमा बसेपछि पिसिआर परीक्षण गरेर रिपोट नेगेटिभ आएमा मात्र पुनः डियुटी खटाउनुपर्ने माग राखेका थिए । अस्पतालमा कार्यरत स्वास्थ्यर्कीहरूले राखेको माग सुनवाइ नहुने भएपछि सामुहिक रुपमा राजिनामा दिएको नर्सहरुलेले बताएका छन् ।
‘कोभिड १९ को महामारीको बेला हामी आफ्नो ज्यानलाई जोखिममा राखि सेवा दिदै आएका छौं,’ राजिनामा दिने ती नर्सले बताए । अस्पतालले हाम्रो सुरक्षाको विषयमा कहिले चाँसो देखाएन् । हामी स्टार्प नर्सहरू न्यूनतम सुरक्षा सामाग्रीको प्रयोग गरि सामुदाय स्तरमा संक्रमण फैलिरहेको अवस्थमा सेवा दिन बाध्य भएका छौ । सेवा सुविधाको विषयमा पनि अस्पतालले चाँखो देखाएन । हाम्रो माग सुनवाइ नदिएपछि सामूहिक राजिनामा दिन बाध्य भएका हौं ।’ राजिनामाले विरामीमा पर्न गएको असुविधाप्रति अस्पताल नै जिम्मेवार हुनुपर्ने उनीहरूले राखेको राजीनामा पत्रमा उल्लेख छ ।
केही दिन अगाडि कोरोना संक्रमण पुष्टि भएका नोबेलका एक जना नर्सलाई अस्पतालले प्रशासनले लक्षण नदेखिएको भन्दै अस्पतालको आइसोलेनमा नराखी होम आइसोलेनमा बस्न बाध्य बनाएको थियो। विरामीलाई सेवा दिने क्रममा संक्रमित भएकी नर्सलाई अस्पतालले नहरेपछि उनीहरू रुष्ट बनेका थिए ।
नोबेल अस्पतालका कार्यरत एक दर्जन नर्सलाई कोरोना संक्रमण भइसकेको छ । अस्पताल प्रशासनले कार्यरत नर्सले प्रोत्सान रकम नपाएको भन्दै सामूहिक राजिनामा दिएको बताएको छ । ‘अस्पतालको आकस्मिक कक्षमा कार्यरत ५५ जना नर्सले ५ हजार रुपैयाँ प्रोत्साहन भत्ता माग राखेका थिए,’ अस्पतालका प्रबन्धक नारयण दाहालले भने–ञअस्पतालले ४ हजार रुपैयाँ दिने भनेका थियो, १ हजार रूपैयाँमा कुरा नमिल्दा ५५ जना नर्सले राजिनामा पत्र अस्पताल प्रशासनलाई बुझाएका छन् ।’